"Azərbaycan Hidrotexnika və Meliorasiya Elm-İstehsalat Birliyi " (1947) və "Azərbaycan Elmi-Tədqiqat Su Problemləri İnstitutu"nun (1960) bazasında 2022-ci ilin avqust ayında "Meliorasiya Elmi-Tədqiqat İnstitutu" Məhdud Məsuliyyətli Cəmiyyəti yaradılmışdır. Azərbaycan Respublikası Prezidentinin 2023-cü il 17 noyabr tarixli 2356 nömrəli Fərmanı əsasında "Meliorasiya Elmi-Tədqiqat İnstitutu" Məhdud Məsuliyyətli Cəmiyyəti çevrilmə yolu ilə yenidən təşkil edilərək "Su və Meliorasiya Elmi Tədqiqat İnstitutu" publik hüquqi şəxsi olaraq fəaliyyətə başlamış və "Sukanal Elmi-Tədqiqat və Layihə İnstitutu"nun (1961) elmi-tədqiqat hissəsi də bu instituta birləşdirilmişdir.
İnstitutun fəaliyyəti:
“Su və Meliorasiya Elmi Tədqiqat İnstitutu” su və meliorasiya sahəsində fundamental və tətbiqi tədqiqatlar aparan publik hüquqi şəxsdir. İnstitut müvafiq sahədə elmi-praktiki və eksperimental araşdırmalar aparır, risk qiymətləndirməsi həyata keçirir, texniki normativ hüquqi aktlar hazırlayır, elmi-metodiki tövsiyələr verir və yüksək ixtisaslı mütəxəssislər yetişdirir. Həmçinin, sahənin inkişafı üçün müxtəlif tədbirlər görür və fəaliyyətin elmi əsaslarını hazırlayır.
Elmi tədqiqat istiqamətləri: • Su ehtiyatlarının davamlı inteqrasiyalı idarə olunması; • Su mənbələrinin hidroekoloji təhlükəsizliyinin qiymətləndirilməsi; • Su təchizatı və tullantı sularının kənarlaşdırılması; • Torpaqda su-duz rejiminin nizamlanması; • Torpaqların bitkilər üçün əlverişli vəziyyətə gətirilməsi; • Suvarma sistemlərinin tədqiqi; • Hidrotexniki qurğuların təhlükəsizliyi; • Meliorasiya olunmuş torpaqların kənd təsərrüfatı bitkiləri altında mənimsənilməsi.
İnstitut aşağıdakı xidmətləri təqdim edir: • Hidroloji, suvarma və meliorasiya; • Laboratoriya (su və torpaq nümunələrinin analizləri, geotexniki tədqiqatlar), geodeziya və topoqrafik planlama, təlim və təcrübə-konstruktor işləri; • Elmi layihələndirmə, elmi işlərin tətbiqi ilə elm tutumlu məhsulların istehsalı və satışı; • Su və meliorasiya sahəsində məsləhət-konsaltinq xidmətləri, ödənişli laboratoriya testləri və sınaq işləri; • Elmi-praktiki tədbirlərin təşkili; • Sifarişlər əsasında elmi araşdırmaların və tədqiqatların aparılması; • Su təchizatı, tullantı suları və meliorasiya sahələri üzrə ekspert rəyinin verilməsi, su təsərrüfatı layihələrinin texniki-iqtisadi əsaslandırılmasının hazırlanması və digər əlaqəli xidmətlər.
İnstitutun tabeliyində Təlim və İnnovasiyalar Mərkəzi fəaliyyət göstərir.
Təlim və İnnovasiyalar Mərkəzinin təlim istiqamətləri aşağıdakılardır: - Suvarma; - Meliorasiya; - Hidrotexniki qurğuların istismarı; - İçməli suyun emalı; - Tullantı sularının idarə olunması; - Yağış sularının idarə olunması
